Sjö nýir vellir að bætast við

June 15, 2015, 4:19 pm

Mikill áhugi er hjá sveitarfélögum um að setja upp frisbígolfvelli í sinni heimabyggð og eru mörg þeirra að skoða þennan möguleika enda bendum við á að þetta sé ódýr og einföld leið til að auka fjölbreyttni í afþreyingu fyrir íbúa auk þess sem frisbígolf stuðlar að aukinni hreyfingu og auðvitað lífsgleði.

Nú í sumar er komin staðfesting á sjö nýjum völlum en þeir eru á Egilsstöðum, tveir á Akureyri (Glerárþorp og Eiðsvelli), á Húsavík, í Bolungarvík, á Seltjarnarnesi og í Seljahverfi í Reykjavík (hjá Ölduselsskóla). Þessir vellir bætast við þá 19 sem nú þegar eru á landinu en auk þess eru mörg bæjarfélög jákvæð og gætu tekið ákvörðun í sumar.

↧

Miðnæturmánaðarmót

June 15, 2015, 4:25 pm

≫ Next: Mikill uppgangur folfsins

≪ Previous: Sjö nýir vellir að bætast við

Næsta fimmtudag, 18. júní, verður haldið hið árlega miðnæturmót okkar folfara enda Jónsmessa næstu helgi og því lengstu dagar ársins. Mótið byrjar kl. 23 og lýkur rétt fyrir kl. 01 eftir miðnætti. Keppt verður eftir Texas Scramble fyrirkomulagi og í tveggja manna liðum. Keppnisgjald er 2.000 á mann (1.000 fyrir félaga ÍFS). Mæting er kl. 22.30

↧

Mikill uppgangur folfsins

July 1, 2015, 6:05 pm

≫ Next: Völlurinn Garðarlundi Akranesi

≪ Previous: Miðnæturmánaðarmót

Gaman er að fylgjast með þeirri miklu uppsveiflu sem er í frisbígolfi hér á landi en hún er í samhengi við þær auknu vinsældir sem eru um allan heim. Vinsælustu vellirnir eru gríðarlega mikið sóttir en á bestu dögunum eru spilarar á hverjum teig og þúsundir að spila á hverjum degi. Fara þurfti í framkvæmdir á teigum og grínum á Klambratúni vegna mikillar notkunar sem er auðvitað í okkar augum lúxusvandamál sem gaman er að glíma við.
Við hvetjum alla til þess að draga vini, ættingja, vinnufélaga og nágranna út á völl og kynna þeim þessa frábæru íþrótt enda allir sem geta spilað frisbígolf.

↧

Völlurinn Garðarlundi Akranesi

July 12, 2015, 6:08 pm

≫ Next: Nýr frisbígolfvöllur á Egilsstöðum

≪ Previous: Mikill uppgangur folfsins

Einn er sá völlur sem er í uppáhaldi hjá mörgum folfurum en það er völlurinn á Akranesi. Hann er staðsettur í fallegum garði, Garðarlundi, sem liggur við hlið golfvallarins og er algjör perla þeirra Skagamanna. Völlurinn er með níu brautum og bíður upp á mikla fjölbreyttni s.s. trjágöng, tjarnir, mishæður og opin skot. Brautirnar eru frekar stuttar en krefjandi en tveir teigar eru á hverri braut. Við hvetjum alla til þess að leggja leið sína upp á Akranes og prófa þennan frábæra völl.

↧

Nýr frisbígolfvöllur á Egilsstöðum

July 22, 2015, 7:29 pm

≫ Next: Nýr völlur á Seltjarnarnesi

≪ Previous: Völlurinn Garðarlundi Akranesi

Í síðustu viku var opnaður fyrsti folfvöllurinn á Austfjörðum en það er skemmtilegur völlur í Tjarnargarðinum á Egilsstöðum. Hann er 6 körfu völlur og með fjölbreyttar brautir á þessu frábæra svæði. Við hvetjum alla til þess að prófa hvort sem þeir búa á Austurlandi eða eru á leið þar hjá. Einnig er nýbúið að opna nýjan völl á Húsavík.

Á næstu dögum verður síðan settur upp 9 körfu völlur í Glerárhverfi á Akureyri en síðan bætast við vellir á Eiðsvelli, Akureyri, Seltjarnarnesi og Seljahverfi.

↧

Nýr völlur á Seltjarnarnesi

August 23, 2015, 3:35 pm

≫ Next: Íslandsmótið í frisbígolfi 2015

≪ Previous: Nýr frisbígolfvöllur á Egilsstöðum

Einn nýjasti folfvöllurinn er nú kominn í notkun á Valhúsahæðinni á Seltjarnarnesi. Völlurinn er með 9 körfur og liggur í hring frá kirkjunni og því auðvelt að finna hann. Heimamenn hönnuðu brautirnar sem liggja um hæðina en við hvetjum auðvitað alla til þess að prófa.

↧

Íslandsmótið í frisbígolfi 2015

August 28, 2015, 3:37 am

≫ Next: Nýr frisbígolfvöllur á Egilsstöðum

≪ Previous: Nýr völlur á Seltjarnarnesi

Íslandsmótið verður haldið dagana 4-6. september 2015

Keppt verður í 5 flokkum og á þremur völlum. Mótsstjóri er Bjarni Baldvinsson. Á föstudeginum er keppt í Texas Scramble á Klambratúni.

Skráning skal send á netfangið folf@folf.is og tilgreint í hvaða flokki keppt er. Skráningu lýkur miðvikudaginn 2. september kl. 18.

Nánari upplýsingar eru hér: Íslandsmót í frisbígolfi 2015

Upplýsingar um A-flokk eru hér: Íslandsmót í frisbígolfi 2015 – A

Upplýsingar um B-flokk eru hér: Íslandsmót í frisbígolfi 2015 – B

Upplýsingar um C-flokk eru hér: Íslandsmót í frisbígolfi 2015 – C

Upplýsingar um kvennaflokk eru hér: Íslandsmót í frisbígolfi 2015 – kvenna

Upplýsingar um barnaflokk eru hér: Íslandsmót í frisbígolfi 2015 – barna

↧

Nýr frisbígolfvöllur á Egilsstöðum

September 1, 2015, 8:17 am

≫ Next: Íslandsmeistarar krýndir um helgina.

≪ Previous: Íslandsmótið í frisbígolfi 2015

Völlurinn í Tjarnargarðinum á Egilsstöðum er sex körfu völlur og öllum opinn. Við innkomuna í garðinn, nálægt Safnahúsinu, hefur verið komið fyrir skilti sem sýnir skipulag frisbívallarins, m.a. lengd einstakra brauta.

Auk Fljótsdalshéraðs lagði Ungmennafélagið Þristurinn til fjármagn til kaupa á körfu, og Minningasjóður um Pétur Kjerúlf lagði verkefninu til veglegt fjárframlag til minningar um Pétur. Á skiltinu við frisbívöllinn standa þessi orð frá aðstandendum sjóðsins til minningar um Pétur: „Brosum, elskum og njótum dagsins í dag og verum þakklát fyrir það sem við eigum og erum. Verum besta útgáfan af okkur og njótum litlu hlutanna í lífinu, því þegar litið er til baka eru það þeir sem skipta máli. Grípum stundina og gerum hana að þeirri réttu í stað þess að bíða eftir henni.“

Hér er kort af vellinum. Egilsstaðir

↧

Íslandsmeistarar krýndir um helgina.

September 7, 2015, 6:23 pm

≫ Next: Fimmti völlurinn tekinn í notkun á Akureyri

≪ Previous: Nýr frisbígolfvöllur á Egilsstöðum

Um helgina fór fram Íslandsmeistararmótið í frisbígolfi en keppt var á þremur völlum, Gufunesi, Fossvogi og Laugardal. Á mótinu er keppt í 5 flokkum og krýndir Íslandsmeistarar í opnum flokki, kvennaflokki og barnaflokki. Hörkuspennandi keppni var í öllum flokkum en það endaði svo að Jón Símon Gíslason varð Íslandmeistari karla, Guðbjörg Ragnarsdóttir Íslandsmeistari kvenna og Blær Örn Ásgeirsson er Íslandsmeistari barna. Guðbjörg varði sinn titil frá því í fyrra en hún er margfaldur Íslandsmeistari en Jón Símon var að vinna titilinn í annað sinn en hann vann einnig 2013. Við óskum þeim til hamingju með árangurinn.

↧

Fimmti völlurinn tekinn í notkun á Akureyri

October 13, 2015, 4:12 pm

≫ Next: Vetur konungur

≪ Previous: Íslandsmeistarar krýndir um helgina.

Nú í vikunni var settur upp nýr 6 körfu frisbígolfvöllur á Eiðsvelli á Akureyri en völlurinn er sá fimmti sem Akureyringar geta nú spilað á. Hinir eru að Hömrum, á Hamarskotstúni, við Glerárskóla og í Hrísey. Auk þess voru settar upp stakar körfur við Oddeyrarskóla, Eyrarveg og við Hjalteyrargötu.

Akureyri er því orðinn draumastaður fyrir áhugasama frisbígolfkastara enda vellirnir mjög ólíkir og fjölbreyttnin mikil. Án efa er erfiðasti völlurinn inn á Hömrum en hann er að mörgum talinn einn skemmtilegasti (og erfiðasti) völlur landsins. Vellirnir á Hamarskotstúni og Eiðsvelli eru hinsvegar stuttir vellir þar sem hægt er að spila með pútterum eða midrange diskum. Völlurinn við Glerárskóla var settur upp í sumar og notaður á Landsmóti UMFÍ sem fram fór um verslunarmannahelgina en um 80 manns kepptu þá í folfi.

↧

Vetur konungur

December 22, 2015, 2:02 pm

≫ Next: Áramótið 2016

≪ Previous: Fimmti völlurinn tekinn í notkun á Akureyri

Nú hefur snjóað vel á okkur landsmenn og vellirnir okkar teppalagðir með 30-60 cm snjólagi. Margir eru samt enn að spila enda getur það verið mjög skemmtilegt að taka hring við þessar aðstæður. Best er að vera með skæra diska sem finnast vel í snjónum en sumir nota það ráð að binda c.a. 50 cm band/borða í miðjan diskinn sem auðvelt er að finna.

↧

Áramótið 2016

December 22, 2015, 2:14 pm

≫ Next: Vetrarsól

≪ Previous: Vetur konungur

Hefð er komið á að halda fyrstu keppni ársins á fyrsta sunnudegi á vellinum í Gufunesi, óháð veðri og vindum. Síðustu ár höfum við haldið þessum sið og lent í allskonar veðri, bæði snjó og hita. Gott er að byrja árið með þessum hætti. Spilaður verður einn hringur af bláum teigum og hefst keppni kl. 13 sunnudaginn 3. janúar.

↧

Vetrarsól

January 30, 2016, 10:38 am

≫ Next: Vorið nálgast

≪ Previous: Áramótið 2016

Þrátt fyrir snjó og kulda þá er auðvelt að spila frisbígolf á veturna. Góður fatnaður og litaðir diskar (ekki hvítir) er allt sem þarf. Körfurnar standa yfirleitt alltaf uppúr snjónum og því auðvelt að finna þær. Stundum getur verið gott að vera á mannbroddum (gormum) vegna hálku og ef mikill snjór er yfir vellinum þá getur diskurinn týnst auðveldlega. Þá er gott ráð að líma grannan spotta (1-1,5 metra) í miðjan diskinn en þessi borði finnst alltaf auðveldlega. Pakkaborði er líka hentugur. Góða skemmtun.

↧

Vorið nálgast

March 8, 2016, 4:16 pm

≫ Next: Aðalfundur ÍFS

≪ Previous: Vetrarsól

Eftir óvenjusnjóþungan vetur fer nú loksins að glitta í sumarið. Margir hafa verið duglegir að spila í vetur enda auðvelt að spila frisbígolf í snjó og kulda. Sumstaðar hefur snjóþunginn verið svo mikill að körfurnar hafa farið á kaf í skafla en sem betur fer er það undantekning.

Margir spilarar æfa púttin innanhúss á veturnar en það er auðvitað frábær leið til að halda sér við og jafnvel bæta pútttæknina. Til eru margar gerðir af ferðakörfum sem auðvelt er að setja upp hvar sem er. Gott er að hafa í huga að stuttu púttin eru í raun þau mikilvægustu því þau eiga auðvitað alltaf að heppnast. Það er því mjög gott að leggja áherslu á pútt sem eru innan við 7 metrar og reyna að ná góðum tökum á þeim.

↧

Aðalfundur ÍFS

March 11, 2016, 4:16 pm

≫ Next: Adidas stígur inn í folfið

≪ Previous: Vorið nálgast

Aðalfundur Íslenska frisbígolfssambandsins verður haldinn fimmtudaginn 31. mars nk. kl. 20 í hlöðunni í Gufunesbæ. Farið verður yfir verkefni síðasta árs sem er eitt það besta í sögu folfsins hingað til og rædd þau verkefni sem framundan eru. Nú liggur fyrir að á vormánuðum verður settur upp 30. frisbígolfvöllurinn hér á landi (5 körfur ofl.) og mörg spennandi verkefni eru framundan.

Venjuleg aðalfundastörf skv. lögum félagsins. Við hvetjum auðvitað alla áhugasama að mæta og taka þannig þátt í umræðunni og uppbyggingunni á þessari frábæru íþrótt.

↧

Adidas stígur inn í folfið

April 22, 2016, 6:09 pm

≫ Next: Folfsumarið 2016 byrjað

≪ Previous: Aðalfundur ÍFS

Til marks um uppganginn í frisbígolfinu á heimsvísu þá var það tilkynnt nú í vetur að risinn Adidas væri að koma með á markaðinn sérstaka frisbígolfskó en það er í fyrsta sinn sem þeir framleiða vöru sérstaklega fyrir sportið. Þetta gera þeir í samstarfi við heimsmeistarann sjálfann, Paul McBeth, en hann hefur komið að þróun skóna og mun keppa í þeim á öllum mótum á þessu ári. Efri hluti skósins er úr Terrex Swift R Gore-Tex sem tryggir góða öndun og vatnsheldni. Þess má geta að fyrsta sólarhringinn seldust 850 pör og greinilegt að folfarar eru mjög spenntir. Skildi vera langt í að við sjáum einhvern í þessum skóm á völlunum hér heima?

↧

Folfsumarið 2016 byrjað

April 22, 2016, 6:35 pm

≫ Next: Þrír nýjir vellir

≪ Previous: Adidas stígur inn í folfið

Eftir langan og snjóþungan vetur eru vellirnir óðum að taka við sér og folfarar streyma út til þess að spila. Þó sífellt fleiri spili allt árið þá er alltaf stærsti hópurinn sem spilar yfir sumarmánuðina enda skemmtilegasti tíminn fyrir frisbígolf. Gaman er að sjá þennan mikla fjölda sem hefur uppgvötað folfið og margir þeirra gríðarlega efnilegir. Við hvetjum sem flesta til að prófa að taka þátt í einhverjum af þeim 60 mótum sem við höldum á þessu ári. Hér er hægt að sjá mótaskrána.

Nú í sumar verður hægt að velja á milli 30 valla sem eru mjög fjölbreyttir og því auðvelt að finna völl við hæfi. Alltaf bætast ný sveitarfélög í hóp þeirra sem bjóða þessa frábæru íþrótt fyrir sína íbúa og hvetjum við áhugasama til þess að hafa samband við bæjarstjórn og senda þeim í framhaldi beiðni um völl með tillögu um staðsetningu. Hafið endilega samband á folf@folf.is ef þið viljið aðstoð frá okkur.

Gleðilegt frisbígolfsumar.

↧

Þrír nýjir vellir

June 6, 2016, 7:09 pm

≫ Next: Geggjaðar vinsældir

≪ Previous: Folfsumarið 2016 byrjað

Á síðustu dögum hafa þrír nýjir frisbígolfvellir verið teknir í notkun hér á landi og er nú heildarfjöldi valla kominn í 30. Þessir nýju vellir eru á Neskaupsstað, í Vestmannaeyjum og í Reykjanesbæ en beðið hefur verið eftir þessum völlum með mikilli eftirvæntingu. Það er skemmtilegt að sjá hversu margir eru áhugasamir um folfið og við sjáum daglega nýja spilara sem eru að prófa. Allt sem þarf er bara einn frisbígolfdiskur og þá er hægt að byrja. Auðvitað er alltaf skemmtilegra að byrja með “sett” af diskum þ.e. pútter, midrange og dræver en þessi sett kosta frá 5.000 krónum þannig að byrjunarkostnaður er mjög lítill.

Við finnum líka fyrir auknum áhuga sveitarfélaga á að setja upp frisbígolfvöll í þeirra heimabæ en við fáum mikið af fyrirspurnum til okkar. Auðvitað er þetta frábær og ódýr viðbót við þá afþreyingu sem í boði er fyrir íbúana og stuðlar að aukinni lýðheilsu þeirra. Það er því líklegt að völlum eigi eftir að fjölga enn meira á komandi mánuðum og árum.

↧

Geggjaðar vinsældir

July 29, 2016, 5:53 pm

≫ Next: Auðvelt að kaupa diska

≪ Previous: Þrír nýjir vellir

Aldrei hafa jafn margir spilað frisbígolf á Íslandi en þetta sumar. Greinilegt er að vinsældirnar aukast dag frá degi og nú er svo komið að vinsælustu vellirnir eru troðfullir af áhugasömum kösturum og sérstaklega gaman að sjá hvað stemningin er afslöppuð hjá spilurum þó biðin sé töluverð. Fjölgun valla og auðvelt aðgengi er greinilega að virka vel enda 30 vellir komnir um allt land. Mörg sveitarfélög eru með í undirbúningi að setja upp velli næsta sumar enda íbúar farnir að óska eftir velli í sinni heimabyggð.
Einnig er greinilegt að fólk á öllum aldri er farið að spila og gaman að sjá að stelpurnar eru farnar að uppgvöta þessa frábæru íþrótt.

↧

Auðvelt að kaupa diska

July 29, 2016, 6:20 pm

≫ Next: Frisbígolf – yfir 40 ára saga

≪ Previous: Geggjaðar vinsældir

Nú eru fjórir aðilar sem flytja inn og selja folfdiska á Íslandi. Þessir aðilar eru:

Frisbígolfbúðin, Tjarnarbraut 21, sími 847 1165 – www.frisbigolf.is
Fuzz frisbígolf. Sími 666 6660 – www.fuzz.is
Musteri agans. Hverfisgötu 43, sími 666 6613 – www.musteriagans.is
Discraft frísbígolfbúðin. Hlíðarsmára 1, Kóp., sími 546 0150. www.discraft.is

Það hefur því aldrei verið auðveldara að kaupa frisbígolfdiska og annan búnað í þessu frábæra sporti. Ert þú búinn að finna þinn uppáhaldsdisk?

↧